Արմավիրի մարզի Նոր Կեսարիա համայնքը նոր դպրոց կունենա
Նոր Կեսարիա համայնքի նախկին դպրոցի տարածքում այս օրերին ընթանում են հիմնովին կառուցվող սեյսմակայուն դպրոցի շինհրապարակների աշխատանքներ։ Դպրոցը կառուցվում է Հայաստանի տարածքային զարգացման հիմնադրամի պատվիրակությամբ։ Նկուղային հարկով կառուցվող նոր երկհարկանի դպրոցը նախատեսված է 432 աշակերտի համար։ Նկուղում նախատեսված է թաքստոց, շենքում' 4 աստիճանավանդակ, 1 վերելակ, տանիքներում կտեղադրվեն արևային ֆոտովոլտային կայաններ։ Դպրոցը հենաշարժողական խնդիրներ ունեցող, սայլակով տեղաշարժվող երեխաների համար կունենա հարմարեցված սանհանգույցներ, թեքահարթակներ, ինչպես նաև ամբարձիչներ։ Տարածքները կբարեկարգվեն, ինչպես նաև կկառուցվեն մարզադաշտ և մարզահրապարակ։